Arabe

ي بنتي الصغيرة، لويز، عندها 4 شهور، ورجلين وايدين، وكروموسوم زيادة. لو سمحتم، لما تشوفوا لوزي متسألوش مامتها "ازاي معرفتيش وانتي حامل؟" ماهو يا الأم كانت عارفة، وقررت تحتفظ بالبيبي الجميل ده، أو مكانتش عارفة، ومش كل شوية تخلوها تحس بالذنب. خلوا بالكم، الأمهات بيحسوا بالذنب عن كل شئ وأي شئ، فكروموسوم واحد زيادة بيعمل فرق زي مانتوا شايفين. متقولوش لمامتها "دي بنتكم الجميلة أيا كان". لأ. هي "بنتنا الجميلة. أيا كان اسم مش لطيف ليها، أنا بحب أندهلها "لويز". متقولوش لمامتها " زي أي طفل داون، هي ....". على فكرة، هي طفل عنده داون، ده مش كيانها، . ده مجرد مرض عندها. محدش بيقول "طفل سرطان" مثلا متقولوش "هم بيبقوا كذا وكذا". "هم" مختلفين عن بعض وعندهم شخصياتهم وأذواقهم وحياتهم. "هم" مختلفين ومتنوعين زي ما كل واحد فينا بيفرق عن جيرانه وزمايله. أنا عارفة إن لما الواحد مبيجربش مبيركزش كتير في اللي بيقوله، بس الكلمات ممكن توجع وممكن تريح. معلش فكروا قبل ما تقولوا الحاجة، خصوصا لو انتم دكاترة أو ممرضين. أنا عادة مش بخلي الستيتس بتاعتي كل الناس تشوفها، بس دي عايزاكم تقروها وتنشروها بينكم. في فرنسا كل سنة حوالي 500 أم لويز، ممكن كلمات زي دي تضايقهم وتسود عيشتهم. أنا عارفة انكم متقصدوش، بس معلش أنا قلت أعرفكم